Prognozlashtirish va makroiqtisodiy tadqiqotlar instituti

Институт ўз иш фаолиятини Ўзбекистон Республикаси Президентининг 2018 йил 29 майдаги “Ижтимоий-иқтисодий соҳадаги илмий-тадқиқот институтларининг фаолиятини такомиллаштириш бўйича чоралар тўғрисида”ги ПҚ-3752 сонли ва 2020 йил 26 мартдаги “Ўзбекистон Республикаси Иқтисодий тараққиёт ва камбағалликни қисқартириш вазирлиги ҳамда унинг тизим ташкилотлари фаолиятини тубдан такомиллаштириш тўғрисида”ги ПҚ-4653-сон қарорларига мувофиқ амалга оширади.

Институт чуқур макроиқтисодий тадқиқотларни амалга ошириш, макроиқтисодий кўрсаткичларни прогнозлашнинг мустаҳкам илмий-методологик базасини ва ижтимоий-иқтисодий ривожланишининг истиқболли асосларини яратиш, мамлакат иқтисодиётини замонавийлаштириш ва тузилмавий ўзгаришларни амалга ошириш, узоқ муддатли макроиқтисодий барқарорликка эришишга хизмат қилувчи таклифлар ишлаб чиқиш мақсадида ташкил этилган.